கோப்பேங், மார்ச் 27-வெப்பமான காலநிலையின் போது பள்ளிகளை நிர்வகிப்பது குறித்த தற்போதுள்ள வழிகாட்டுதல்கள் மாணவர்களைப் பாதுகாக்கப் போதுமானவை என்று கல்வித்துறை துணையமைச்சர் வோங் கா வோ (Wong kah Woo) தெரிவித்தார்.
2023-ல் அறிமுகப்படுத்தப்பட்ட இந்த வழிகாட்டுதல்கள், பள்ளிகள் மற்றும் மாவட்டக் கல்வி அலுவலகங்களின் கண்காணிப்புடன், அதிக வெப்பநிலை காலங்களில் மாணவர்களின் பாதுகாப்பு மற்றும் அவர்களுக்கான வசதியை உறுதி செய்வதற்கான தெளிவான வழிகாட்டுதலை ஏற்கனவே வழங்குகின்றன என்று அவர் கூறினார்.
அதிகப்படியான வெப்பத்திற்கு மாணவர்கள் ஆளாவதைக் குறைப்பதற்கான நடவடிக்கைகள் உள்ளிட்ட கூடுதல் நடவடிக்கைகள் குறித்த முடிவுகளை, பள்ளியின் முதல்வர்கள் மற்றும் தலைமை ஆசிரியர்கள் போன்ற பள்ளி நிர்வாகிகளிடமே விட்டுவிடுவது சிறந்தது என்றும் வோங் மேலும் கூறினார்.
சூழ்நிலையின் அடிப்படையில் மாணவர்களுக்குப் பொருத்தமான ஆலோசனைகளை வழங்க பள்ளித் தலைவர்களுக்கு அனுபவமும் முடிவெடுக்கும் திறனும் உள்ளது. 4
வானிலையைப் பொருட்படுத்தாமல், நீர் அருந்துவது ஏற்கனவே ஒரு பொதுவான நடைமுறையாகும். தற்போதைய நடவடிக்கைகள் போதுமானவை என்று நான் நம்புகிறேன்.
எல் நினோ நிகழ்வுடன் தொடர்புடைய தற்போதைய வெப்பமான வானிலை இருந்தபோதிலும், மாணவர்கள் தங்கள் சொந்த தண்ணீர் பாட்டில்களைப் பள்ளிக்குக் கொண்டு வருவதைக் கட்டாயமாக்க கல்வி அமைச்சிற்கு எந்தத் திட்டமும் இல்லை என்று அவர் மீண்டும் வலியுறுத்தினார்.
