மலாக்கா, நவம்பர்-25 – மலாக்கா, டூயோங்கில் நேற்றிரவு 9 மணியளவில் மோட்டார் சைக்கிளில் பயணம் செய்த கணவன்‑மனைவி தங்கள் வாழ்க்கையின் அதிர்ச்சிகரமான நிமிடங்களை எதிர்கொண்டனர்.
கனமழையில், சாலையை மறித்துக் கிடந்த பெரிய முதலையை கிட்டத்தட்ட மோதும் நிலைக்குச் சென்ற நிலையில், கணவர் திடீரென பிரேக் போட்டதால், இருவரும் உயிர் தப்பினார்.
மனைவி பயந்து பின்புறம் ஓடிய வேளை, அந்த பதற்றமான சூழலிலும் கணவர் அந்த முதலையை வீடியோ எடுத்தார்.
இச்செய்தி வைரலாகியுள்ள வேளை, அப்பகுதி மக்கள், அங்கு அடிக்கடி முதலைகள் தோன்றுவதாகக் கூறி, குழந்தைகள் மற்றும் பயணிகளின் பாதுகாப்பு குறித்து அச்சம் தெரிவித்துள்ளனர்.
தீயணைப்பு – மீட்புத் துறை வீரர்கள் முதலைகளை ஆற்றுக்கு விரட்டியடிப்பதோடு சரி எனக் குறிப்பிட்ட மக்கள், வலுவான நடவடிக்கை எடுக்க வேண்டும் என வலியுறுத்துகின்றனர்.
