கோலாலம்பூர், நவம்பர்-25 – தொடர் மழையால் நாட்டில் வெள்ளத்தால் பாதிக்கப்பட்டோரின் எண்ணிக்கை இன்று காலை 18,000 பேரைத் தாண்டியுள்ளது.
ஏற்கனவே 7 மாநிலங்கள் பாதிக்கப்பட்ட நிலையில், தற்போது பஹாங்கிலும் வெள்ளம் ஏற்பட்டுள்ளது.
நேற்றிரவு அங்கு 20 பேர் தற்காலிக வெள்ள நிவாரண மையங்களுக்கு மாற்றப்பட்டனர்.
இதுவரை மோசமாக பாதிக்கப்பட்ட மாநிலமாக கிளந்தான் தொடருகிறது.
அங்கு 4 மாவட்டங்களில் 3,500-க்கும் மேற்பட்ட குடும்பங்களைச் சேர்ந்த 10,000-க்கும் மேற்பட்டோர் நிவாரண மையங்களில் தங்கியுள்ளனர்.
பேராக்கில் கிட்டத்தட்ட 2,000 பேரும் பெர்லிஸில் 1,718 பேரும் சிலாங்கூரில் 1,168 பேரும் பாதிக்கப்பட்டுள்ளனர்.
கெடாவில் ஆயிரத்திற்கும் மேற்பட்டோரும், பினாங்கில் சுமார் 400 பேரும் PPS மையங்களுக்கு மாற்றப்பட்டுள்ளனர்.
திரங்கானுவில் 56 குடும்பங்களைச் சேர்ந்த சுமார் 140 பேர் பாதிக்கப்பட்டுள்ளனர்.
நாளை வரை பல மாநிலங்களுக்கு அடை மழை எச்சரிக்கை விடப்பட்டுள்ளதால், வெள்ளப் பாதிப்பு உயரலாம் என அஞ்சப்படுகிறது.
