கோலாலம்பூர், நவம்பர்-25 – இவ்வாண்டின் ஜனவரி முதல் நவம்பர் வரை, அரசாங்கம் சீனி கலந்த பானங்களிலிருந்து RM73.81 மில்லியன் வரியை வசூலித்துள்ளது.
இதையடுத்து, 2019 ஜூலை மாதம் அறிமுகமான இந்த வரி, இதுவரை மொத்தம் RM521.35 மில்லியன் வருவாய் ஈட்டியுள்ளது.
வரி விகிதம் ஆரம்பத்தில் ஒரு லிட்டருக்கு 40 சென்னாக இருந்து, பிறகு 2024-ல் அது 50 சென்னாகவும் இவ்வாண்டு
90 சென்னாகவும் உயர்த்தப்பட்டது.
இந்த வருவாயில் RM25 மில்லியன் சுகாதார அமைச்சின் “சீனிக்கு எதிரான போர்” திட்டத்திற்கும்,
நீரிழிவு நோய் மருந்துகள் வாங்குவதற்கும்,
சிறுநீரக நோயாளிகளுக்கான டயாலிசிஸ் வசதிகள் அமைப்பதற்கும் ஒதுக்கப்பட்டுள்ளது.
சீனி பான வரியானது ஆரோக்கியத்திற்கும், சுகாதார சேவைகளுக்கும் நேரடி பங்களிப்பை வழங்குவதாக, நிதியமைச்சு மக்களவையில் வழங்கிய எழுத்துப்பூர்வ பதிலில் கூறியது.
