லண்டன், நவம்பர்-29 – வரும் 2026 பிப்ரவரி 25 முதல், மலேசியர்கள் ETA எனப்படும் மின்னியல் பயண அனுமதி பெறாமல், இங்கிலாந்துக்குள் நுழைய முடியாது.
சுற்றுலா, குடும்ப சந்திப்பு, வணிக பயணம், அல்லது transit இடைமாற்ற பயணிகளுக்கும் இது கட்டாயமாகும்.
ETA இல்லாமல் விமானத்தில் ஏற அனுமதி இல்லை; இது அதிகபட்சம் 6 மாதங்கள் தங்க அனுமதி வழங்கும்.
மலேசியா உள்ளிட்ட 84 நாடுகளுக்கு இப்புதியக் கட்டுப்பாடு பொருந்தும்.
பிரிட்டன் மற்றும் ஐரிஷ் பிரஜைகள் இதில் விலக்கு பெறுவார்கள்.
எனினும் இரட்டை குடியுரிமை கொண்டவர்கள், பிரிட்டன் கடப்பிதழ் வைத்திருப்பது அவசியம் என தெரிவிக்கப்பட்டுள்ளது.
