RM276,000 மதிப்புள்ள தங்கத்தை குப்பையில் வீசிய ‘Dementia’ நோயால் அவதியுறும் தாய்
பாங்காக், நவம்பர் 24 – பாங்காக்கில் வயது மூப்பு காரணத்தினால் ‘dementia’ அதாவது ஞாபக மறதியால் அவதியுறும் மாது ஒருவர் சுமார் 276,000 ரிங்கிட் மதிப்பிலான தங்கக் கட்டிகளைக் குப்பைத் தொட்டியில் வீசிய சம்பவம் அக்குடும்பத்தாரை பெரும் அதிர்ச்சியில் ஆழ்த்தியுள்ளது.
கடந்த நவம்பர் 3 ஆம் தேதியன்று தங்களது தாயார் தங்கத்தைப் பார்த்துவிட்டு ஒரு உறையில் வைத்தார் எனவும், அடுத்த நாள், குப்பை லாரி வந்தபோது அவசரமாக குப்பையை எடுக்கும் போது அந்த தங்கம் இருந்த உறையையும் குப்பை பையில் போட்டுவிட்டார் என்றும் குடும்பத்தார் குறிப்பிட்டனர்.
இரண்டு நாட்கள் கழித்த பிறகுதான் அக்குடும்பம் தங்கம் காணாமல் போனதையே கண்டறிந்துள்ளது.
போலீஸில் புகார் செய்த பின்னர், அவர்கள் குப்பை இருந்த இடத்திற்குச் சென்று பார்த்தபோது தங்கக் கட்டிகளைக் காணததைக் கண்டு திக்கு தெரியாமல் அவர்கள் தவித்தனர்.
தற்போது அக்குடும்பம் குப்பை லாரியின் கேமரா காட்சிகளைப் பார்க்க அனுமதி கேட்டுள்ளது. யாரேனும் அந்த உறையை கண்டுபிடித்து திரும்ப தந்தால் பணப் பரிசு வழங்குவதாகவும் அறிவித்துள்ளனர்.
