சமீப காலங்களில், குறிப்பாக 2025 ஆம் ஆண்டுக்கான SPM முடிவுகளின் அடிப்படையில், SPM நற்னெறிக் கல்வி (Pendidikan Moral) பாடத்தில் மலாய் அல்லாத மாணவர்களின் செயல்திறன் குறைவடைந்துள்ளது என்பதில் தேசிய அளவில் கவலை அதிகரித்து வருகிறது.
இது மலேசியக் கல்வி அமைப்பின் நியாயத்தன்மையைப் பற்றிய தீவிரமான கேள்விகளை எழுப்புகிறது.
சமீபப் போக்குகள் காட்டுவதாவது, 10A முதல் 12A வரை பெற்றிருக்கும் திறமையான பல மாணவர்கள் கூட, நன்னெறிக் கல்வி பாடத்தில் குறைந்த மதிப்பெண் பெற்றதனால் “அனைத்தும் A” என்ற அங்கீகாரத்தைப் பெற முடியாமல் உள்ளனர்.
இந்த பிரச்சினை கடந்த ஐந்து ஆண்டுகளாக தொடர்ந்து வருகிறது.
இந்த நிலையில், கல்வி அமைச்சர் மாண்புமிகு ஃபட்லினா சிடேக் அவர்கள் உடனடி மற்றும் உறுதியான நடவடிக்கை எடுக்க வேண்டும் என பல தரப்பினர் கோரிக்கை விடுத்துள்ளனர், குறிப்பாக இந்த மதிப்பீட்டு முறையின் தாக்கம் மலாய் அல்லாத மாணவர்கள்மீது அதிகமாக இருப்பதாகக் குறிப்பிடப்படுகிறது.
இந்த பிரச்சினையின் தாக்கம் மிகப்பெரியது. 10A+ போன்ற உயர்ந்த மதிப்பெண்களைப் பெறும் மாணவர்களின் எதிர்காலத்தைப் பாதிக்கிறது.
மேலும், தேர்வுகளை மேற்பார்வை செய்கின்ற தொடர்புடைய அதிகாரிகள் மற்றும் Lembaga Peperiksaan Malaysia (LPM) ஆகியவை அதிக வெளிப்படைத்தன்மையை வழங்க வேண்டும் என்பதையும் நாங்கள் வலியுறுத்துகிறோம்.
கடினமான கல்விப் பாடங்களில் சிறந்து விளங்கும் மாணவர்கள் கூட, நன்னெறிக் கல்வியில் குறைந்த மதிப்பெண் பெறுவதால் அநியாயமான பாதிப்பை எதிர்கொள்கிறார்கள்.
ஆசிரியர்கள், பெற்றோர் மற்றும் மாணவர்கள் இணைந்து, தற்போதைய மதிப்பீட்டு அமைப்பின் அவசர மறுஆய்வை கோருகின்றனர். அதில் பின்வரும் அம்சங்கள் அடங்கும்.
தெளிவான மற்றும் நெகிழ்வான மதிப்பீட்டு அளவுகோல்களை அறிமுகப்படுத்துதல் மதிப்பெண் வழங்கும் செயல்முறையில் அதிக வெளிப்படைத்தன்மை
மாணவர்களின் நற்பண்பு சிந்தனை மற்றும் விமர்சனத் திறனை பிரதிபலிக்கும் மாற்று மதிப்பீட்டு முறைகள் நியாயமான மற்றும் சமநிலையான மதிப்பீட்டு அமைப்பு, திறமையாதாரத்தை நிலைநிறுத்துவதற்கும், தேசியத் தேர்வு அமைப்பின் மீது பொதுமக்களின் நம்பிக்கையை மீட்டெடுப்பதற்கும், மலேசிய மாணவர்கள் அனைவருக்கும் சம வாய்ப்புகளை உறுதி செய்வதற்கும் அவசியமானது என மலேசியத் தமிழ்ப்பள்ளிகளின் கல்வி மேம்பாடு மற்றும் நலனபிவிருத்திச் சங்கம் & மலேசிய தமிழ்ப் பள்ளிகளின் அரசு சாரா இயக்கங்களின் கூட்டமைப்புத் செயலாகாத் தலைவர் வெற்றிவேலன் தெரிவித்தார்.
