கோலாலம்பூர், செப் -30,
மானிய விலையில் எரிபொருள் நிரப்பும்போது, பம்பில் உள்ள காட்சிப் பெட்டியில் RON95 இன் முழு விலை காட்டப்படாவிட்டால், வாடிக்கையாளர்கள் பீதி அடைய வேண்டாம் என்று பெட்ரோல் நிலைய நிர்வாகிகள் கேட்டுக்கொண்டுள்ளனர். இன்று முழுமையாக செயல்படுத்தப்பட்ட புடி மதானி RON95 (BUDI95) திட்டத்தின் கீழ், மானியத்திற்கு தகுதியுள்ள மலேசியர்கள் RON95 பெட்ரோலுக்கு லிட்டருக்கு ஒரு ரிங்கிட் 99 சென் மட்டுமே செலுத்துவார்கள். பம்ப் காட்சியகத்தில் அண்மைய சில்லறை விலையைக் காண்பிக்கும், ஆனால் தகுதியான நுகர்வோர் தானாகவே மானியத்தைப் பெறுவார்கள்.
இறுதி ரசீது கழிக்கப்பட்ட மானியம் தொகையை காண்பிக்கும் என்று மலேசிய பெட்ரோல் நிலைய நடத்துனர் சங்கத்தின் தலைவர் கைருல் அனுவார் அப்துல் அஜிஸ் தெரிவித்தார். இது குறித்து தெளிவு பெற விரும்பினால் பெட்ரோல் நிலையத்தின் பயனீட்டாளர் வாடிக்கையாளர் சேவையைத் தொடர்பு கொள்ளலாம் . பம்பில் காட்டப்படும் விலைக்கும் ரசீதில் காட்டப்படும் விலைக்கும் உள்ள வித்தியாசம் குறித்து பயனீட்டாளர்கள் கவலைப்படத் தேவையில்லை என்று இதற்கு முன்னர் நிதியமைச்சு தெளிவுபடுத்தியது. உதாரணத்திற்கு Pump காட்சியில் சில்லறை விலை லிட்டருக்கு RM2.60 எனக் காட்டினால், மலேசியர்கள் RM1.99 மட்டுமே செலுத்துவார்கள் என்று கூறப்பட்டது.
