மும்பை, நவம்பர்-29 – பிரபல தென்னிந்திய நடிகை சமந்தா, மும்பையில் நடைபெற்ற ஒரு நிகழ்ச்சியில் உலகக் கால்பந்து நட்சத்திரம் Sir டேவிட் பேக்கமைச் (David Beckham) சந்தித்த வீடியோ வைரலாகியுள்ளது.
இருவரும் நிகழ்ச்சி முடிந்து வெளியேறும்போது, பரஸ்பர அன்பு பறிமாற்றமாக ஆரத்தழுவிக் கொண்டனர்.
பேக்கமும் மிகவும் சகஜமாக சமந்தாவுடன் அளவளாவியதை பார்க்க முடிந்தது.
இருவரும் நல்ல style-லாக இருப்பதாக வலைத்தளவாசிகள் பாராட்டினர்.
ஐநாவின் UNICEF அமைப்பின் நல்லெண்ண தூதராக பேக்கம் தற்போது இந்தியா வந்துள்ளார்.
அங்கு பல்வேறு நிகழ்ச்சிகளில் அவர் கலந்துகொள்வதால், அவரின் தீவிர இரசிகர்கள் கொண்டாட்டத்தில் உள்ளனர்.
பேக்கமும் தனது இந்திய அனுபவங்களைப் பற்றி “இந்த நாட்டின் மக்கள், கலாச்சாரம், உணவு — அனைத்தும் சிறந்தவை” என்று சமூக ஊடகத்தில் பகிர்ந்துள்ளது குறிப்பிடத்தக்கது.
மென்சஸ்டர் யுனைடெட் மற்றும் இங்கிலாந்து தேசிய கால்பந்து அணிகளின் முன்னாள் கேப்டனுமான டேவிட் பேக்கம் ஓய்வுப் பெற்று விட்ட போதிலும், உலகம் முழுவதும் இன்னமும் கோடிக்கணக்கான இரசிகர்களைக் கொண்டுள்ளார்.
