கோத்தா திங்கி, பிப் 28 – கோத்தா திங்கி Jalan Lok Heng – Mawai சாலையில் 32 ஆவது கிலோமீட்டரில் கார் ஒன்று கவிழ்ந்த பின்னர் ஏழு மீட்டருக்கும் ஆழமான பள்ளத்தில் விழுந்ததில் மாணவி ஒருவர் உயிரிழந்தார்.
நேற்று மாலை மணி 6.50 அளவில் புரோட்டோன் சாகா கார் சம்பந்தப்பட்ட அந்த விபத்து குறித்து தகவலை பொதுமக்கள் தெரிவித்தாக கோத்தா திங்கி மாவட்ட போலீஸ் தலைவர் Superintendan
யூசோப் ஒத்மான் (Yusof Othman) தெரிவித்தார்.
19 வயதுடைய அந்த மாணவி ஓட்டிச் சென்ற கார் கட்டுப்பாட்டை இழந்ததால் இந்த விபத்து நிகழ்ந்ததாக நம்பப்படுகிறது.
தலையில் கடுமையான காயத்திற்குள்ளான அந்த மாணவி விபத்து நிகழ்ந்த இடத்திலேயே இறந்தார். 1987 ஆம் ஆண்டின் சாலை போக்குவரத்து சட்டத்தின் 41ஆவது விதி (1 ) இன் கீழ் இந்த விபத்து குறித்து விசாரணை மேற்கொள்ளப்பட்டு வருவதாக யூசோப் கூறினார்.
