சிலாங்கூர் பத்துமலை தமிழ்பள்ளியில் கேலிச்சித்திர அம்சங்களுடன் சிறுவர் தினக் கொண்டாட்டம்

கோலாலம்பூர், நவ 26 – சிறுவர்களை மகிழ்விக்கும் வகையில் அண்மையில் பத்துமலைத் தமிழ்ப் பள்ளியில் சிறுவர் தினக் கொண்டாட்டம் மிகவும் சிறப்பாக நடைபெற்றது.

செயற்கை நுண்ணறிவு சிறுவர்களின் கேலிச்சித்திர உலகம் என்ற கருப்பொருளுடன் இந்நிகழ்ச்சி நடைபெற்றது.

பள்ளியின் மாணவர்நலத் துணைத்தலைமையாசியர் முனைவர் விக்டர் ஆசிர்வாதம் அவர்களின் தலைமையில், நிகழ்ச்சி பொறுப்பாளர்களாக விளங்கும் ஆசிரியர் வித்யா தியாகராஜா மற்றும் அவர்தம் குழுவினர் ஒத்துழைப்போடு ஏற்பாடு செய்யப்பட்ட இந்த நிகழ்ச்சியை பள்ளியின் தலைமையாசிரியர் திருமதி சரஸ்வதி செங்கல்ராயன் சிறப்புரையாற்றி அதிகாரப் பூர்வமாக தொடக்கிவைத்தார்.

மாணவி தேஜஸ்வினியின் இறை வாழ்த்தோடு இனிதே தொடங்கிய இவ்விழாவில் சர்வின் சாய்பிரியா, சிவானி, கேத்ரினா , தவஸ்ரீகாந், எசாந்திக்கா மற்றும் சந்தோஷ் ஆகியோர் நிகழ்ச்சி நெறியாளர்களாக விளங்கி, பல மாணவர்களின் கவனத்தை வெகுவாக ஈர்த்தனர்.

அன்றைய தினம் அனைத்து மாணவர்களும் தாங்கள் வீட்டிலிருந்து கொண்டு வந்த உணவு பதார்த்தங்களை நண்பர்களுடன் பகிர்ந்து உண்டதோடு சிறுவர் தின கொண்டாட்டத்திற்குப் முன் மாணவர்கள் வழக்கம்போல் தங்களின் கற்றல் கற்பித்தலைத் நிறைவேற்றினர்.

இவ்விழா இனிதே நடைபெற எல்லா வகையிலும் உதவிகள் புரிந்த பள்ளியின் அறங்காவலர் டான்ஸ்ரீ டாக்டர் R.நடராஜா, மேலாளர் வாரியம், பெற்றோர் ஆசிரியர் சங்கம்,முன்னாள் மாணவர் சங்கம் , உட்பட அனைத்து தரப்புக்கும் தலைமையாசிரியை திருமதி சரஸ்வதி நன்றியைத் தெரிவித்துக் கொண்டார்.