ஈப்போ, பிப்ரவரி-15 – பேராக், Taiping Lake Gardens பூங்கா, 140 ஆண்டுகள் பழைமை வாய்ந்த மேலுமொரு மரத்தை இழந்திருக்கிறது.
மலாயில் pokok hujan-hujan என்றழைக்கப்படும் Albizia வகை மழை மரம், நேற்று பிற்பகல் 2 மணிக்கு வேரோடு சாய்ந்தது.
சுமார் 17 மீட்டர் உயரம் கொண்ட அம்மரம், நேற்று பலத்த காற்றுக்கு மத்தியில் பெய்த கனமழையில் விழுந்தது.
மரம் ஒரு நிலையான விதான அமைப்புடன் நல்ல ஆரோக்கியத்துடனேயே இருந்தது; இருப்பினும், காற்றின் வேகத்திற்கு ஈடுகொடுக்க முடியாமல் அதன் பிரதான கிளைகள், சாலை மற்றும் ஏரியை நோக்கி சாய்ந்தன.
அதன் வேர்கள் நடைபாதை சாலைக்கு அருகாமையில் இருப்பது அதன் உறுதித்தன்மையை பலவீனப்படுத்தியிருக்கலாம்; பல வேர்கள் துண்டிக்கப்பட்டுள்ளதே அதற்கு சான்று என, தைப்பிங் நகராண்மைக் கழகத் தலைவர் Khairul Amir Mohamad Zubir கூறினார்.
அடுத்தக் கட்ட நடவடிக்கையை தீர்மானிப்பதற்கு முன்னர், நியமிக்கப்பட்ட மரப்பலகையாளரிடமிருந்து முழுமையான அறிக்கைக்காக தாங்கள் காத்திருப்பதாக அவர் சொன்னார்.
மரம் விழுந்திருப்பதால், தைப்பிங் மக்களிடையே புகழ்பெற்ற Raintree Walk தனது முக்கிய அடையாளங்களில் ஒன்றை இழந்துள்ளது.
இந்த Raintree Walk, ஏரியின் மீது வளைந்து, அழகிய மற்றும் வரலாற்று நிலப்பரப்பை உருவாக்கும் நூற்றாண்டு பழமையான மரங்களுக்கு பெயர் பெற்றதாகும்.
2021-ஆம் ஆண்டு அக்டோபர் 1 அன்று, பலவீனமான கட்டமைப்பு மற்றும் நங்கூர வேர்கள் காரணமாக மழை மரங்களில் ஒன்று அதிகாரப்பூர்வமாக “மடிந்து” போனதாக அறிவிக்கப்பட்டது.
பின்னர் 2023-ல் பிப்ரவரி 23 அன்று, பலத்த காற்று மற்றும் இடியுடன் கூடிய மழையைத் தொடர்ந்து 137 ஆண்டுகள் பழமையான மழை மரம் விழுந்தது குறிப்பிடத்தக்கது.
