ஈப்போ, நவம்பர்- 3
தைப்பிங்கில் புக்கிட் லாருட் உல்லாச தலத்தில் நேற்று மெதுநடையில் ஈடுபட்டிருந்தவர்களில் காயத்திற்குள்ளான மூவர் உட்பட எண்மர் மீட்கப்பட்டனர். மூன்று பெண் மலையேறிகளில் இருவர் கால் பிடிப்புக்கு உள்ளானதோடு மற்றொருவருக்கு காலில் சுளுக்கினால் பாதிக்கப்பட்டதாக பேரா தீயணைப்பு மற்றும் மீட்புத்துறையின் நடவடிக்கைக்கான இடைக்கால துணை இயக்குநர் சஷ்லின் முகமட் ஹனாபியா ( Shazleam Mohd Hanafiah ) தெரிவித்தார். எஞ்சிய ஐந்து மலையேறிகளில் மூன்று பெண்கள் மற்றும் இரு ஆண்கள் காயம் அடையவில்லை.
மாலை மணி 6.53 அளவில் அவசர அழைப்பு கிடைத்ததைத் தொடர்ந்து தைப்பிங் தீயணைப்பு மற்றும் மீட்பு நிலையத்திலிருந்து மீட்புக் குழுவினர் சுமார் நான்கு கிலோமீட்டர் தொலைவில் உள்ள சம்பவம் நிகழ்ந்த இடத்திற்கு சென்றனர். மலை உச்சியில் எழுவரையும் மற்றொரு மலையேற்ற வீரர் மலையடிவாரத்தில் இறகியிருந்ததையும் கண்டனர். இதனைத் தொடர்ந்து
தீயணைப்பு வீரர்கள் , காவல்துறை மற்றும் புக்கிட் லாரூட் நிர்வாகப் பணியாளர்களுடன் சேர்ந்து மீட்பு நடவடிக்கையில் ஈடுபட்டனர். கணுக்கால் சுளுக்கு ஏற்பட்ட பெண்ணுக்கு சம்பவ இடத்திலேயே தொடக்கக் கட்ட சிகிச்சை அளிக்கப்பட்ட பின்னர் அவர்கள் அனைவரும் மலையடிவாரத்திற்கு அழைத்து வரப்பட்டதாக இன்று வெளியிட்ட அறிககையில் சஷ்லின் தெரிவித்தார்.
