கோலாலம்பூர், நவம்பர்-29 – கோலாலம்பூர் Jalan Raja Laut பகுதியில் உள்ள ஒரு “men-only” ஆரோக்கிய மையத்தில் மேற்கொள்ளப்பட்ட பேரளவிலான சோதனையில், 201 ஆண்கள் கைதாகினர்.
அவர்களில் அறுவை சிகிச்சை மருத்துவர், துணைத் தலைமை வழக்கறிஞர், தூதரக அதிகாரி, அமுலாக்கத் துறை உறுப்பினர்கள், ஆசிரியர் என 17 அரசாங்க ஊழியர்களும் அடங்குவர்.
தென் கொரியா, இந்தோனேசியா, ஜெர்மனி, சீனா உள்ளிட்ட நாடுகளைச் சேர்ந்த வாடிக்கையாளர்களும் சிக்கினர்.
பொது மக்களிடமிருந்து கிடைக்கப் பெற்ற புகார்களைத் தொடர்ந்து 2 வாரங்களாக அணுக்கமாக கண்காணித்த பிறகு அதிகாரிகள் சோதனையில் இறங்கினர்.
ஆண்களுக்கான ஆரோக்கியப் பராமரிப்பு மையம் என்ற போர்வையில், வேலை முடிந்து அசதியாக வரும் ஆண்களைக் குறிவைத்து கடந்த 8 மாதங்களாக அம்மையம் செயல்பட்டு வந்துள்ளது.
உள்ளே sauna, spa, gym, நீச்சல் குளம், தனிப்பட்ட ஓய்விடங்கள் என வருகையாளர்களுக்கு ஏராளமான வசதிகள் உள்ளன.
ஆனால், ஓரினச் சேர்க்கை உள்ளிட்ட ஒழுங்கீன நடவடிக்கைகள் அரங்கேறி வந்துள்ளன.
ஒவ்வொரு வாடிக்கையாளருக்கும் ஆயுட்கால உறுப்பினர் கட்டணமாக 10 ரிங்கிட்டும், ஒவ்வொரு முறை வந்துபோவதற்கான கட்டணமாக 35 ரிங்கிட்டும் விதிக்கப்படுவது தெரிய வந்தது.
19 முதல் 60 வயதிலான அனைவரும் மேல் நடவடிக்கைக்காக டாங் வாங்கி போலீஸ் தலைமையகம் கொண்டுச் செல்லப்பட்டனர்.
