Latestமலேசியா

ஜோகூர் மாநில முத்தமிழ் விழா 9 மாவட்டங்களின் மாணவர்கள் திரளாக பங்கேற்றனர்

ஜோகூர் பாரு, நவ 27 – ஜொகூர் மாநில அளவிலான 31-வது முத்தமிழ் விழா மிகவும் விமரிசையாக மாசாய் தமிழ்ப்பள்ளியில் நடைபெற்றதோடு 9 மாவட்டங்களைச் சேர்ந்த மாணவர்கள் பல்வேறு போட்டிகளில் கலந்துகொண்டு தங்களது திறமைகளை நிருபித்தனர். நாடக போட்டி, தன்முனைப்பு பாடல், நன்னெறி கதைக் கூறும் போட்டி, கோலப் போட்டி,இசைப் பாடல், தனித்திறன், நடனப் போட்டி உள்ளிட்ட மொத்தம் 8 பிரிவுகளில் மாணவர்கள் மிகவும் ஆர்வத்தோடு பங்கேற்றனர். பாசீர் கூடாங் மாவட்டம் பொறுப்பேற்று நடத்திய இந்த நிகழ்ச்சியை அரசிஸ் நிறுவனத்தின் உரிமையாளரும் , காக்கும் கரங்கள் நலன் அமைப்பின் தலைவருமான இளங்கோ முத்துசாமி சிறப்பு விருந்தினராகக் கலந்து கொண்டு நிகழ்ச்சியை அதிகாரப்பூர்வமாகத் தொடக்கிவைத்தார்.

நிகழ்வின் சிறப்பம்சமாக, முத்தமிழ் விழா மலரையும் வெளியீடு செய்த அவர், தமிழ்மொழி, தமிழ் இலக்கியம் மற்றும் தமிழ் பாரம்பரியத்தை மாணவர்களிடம் சிறப்பாக பேணிப்போற்றும் நோக்கத்துடன் இம்மலர் வெளியீடு மிகப் பொருத்தமான தருணமாக அமைந்ததாக தனதுரையில் குறிப்பிட்டார். ஒவ்வொரு போட்டியிலும் தன்னம்பிக்கையுடன் பங்கேற்ற மாணவர்களை பாராட்டியதோடு , தமிழ்மொழியை உயர்த்திக்காட்டும் மாணவர்களே நம் சமூகத்தின் உண்மையான செல்வம் என்று இளங்கோ வலியுறுத்தினார். இந்தப் போட்டிகளில் ஜொகூர் பாரு மாவட்டம் சிறந்த செயல்திறனை வெளிப்படுத்தி சுழல் கிண்ணத்தை வென்று  அனைவரின் பாராட்டையும் பெற்றது.

Show More

Related Articles

Back to top button
error: Content is protected !!