
குவாலா மூடா, நவம்பர்-27 – கெடா, குவாலா மூடாவில் பள்ளி தங்கும் விடுதியில் நடந்த தாக்குதல் சம்பவத்தில், 4 மாணவர்கள் கைதுச் செய்யப்பட்டுள்ளனர்.
திங்கட்கிழமை அதிகாலை 12.10 மணிக்கு, பல மாணவர்கள் தாக்கியதால் ஒரு மாணவர் மயக்கமடைந்தார்.
காலை 9 மணிக்கு ஆசிரியர், அந்த மாணவரின் தாயிடம் அழைத்து, அவர் விடுதி கழிப்பறையில் மயக்க நிலையில் கண்டுபிடிக்கப்பட்டதாக தெரிவித்தார்.
பாதிக்கப்பட்ட மாணவர் உடனடியாக சுல்தான் அப்துல் ஹலீம் மருத்துவமனைக்கு கொண்டுச் செல்லப்பட்டார்.
பாதிக்கப்பட்டவர் ஒருவரைப் பற்றி தவறாக பேசியதாக குற்றச்சாட்டு எழுந்ததால், சந்தேக நபர் மூன்று பேரை அழைத்து வந்து தாக்குதல் நடத்தியதாக விசாரணையில் தெரியவந்துள்ளது.



