கோலாலம்பூர், நவம்பர்-27,
மலேசியர்களுக்கான, அடுத்தத் தலைமுறை MyKad அடையாள அட்டைகள் QR குறியீட்டுடன் வெளியிடப்படும்.
இதனால் அதிகாரிகள் ஒவ்வோர் அடையாள அட்டையின் நம்பகத்தன்மையையும் துல்லியமாக சரிபார்க்க முடியும் என உள்துறை அமைச்சு கூறியது.
தரமுயர்த்தப்பட்ட இப்புதிய MyKad அட்டைகள் அடுத்தாண்டு ஜூன் 1 முதல் வெளியிடப்படும்.
நவீன பாதுகாப்பு தரநிலைகளைப் பின்பற்றி, மோசடி மற்றும் MyKad தவறாகப் பயன்படுத்தப்படுவதைத் தடுக்கும் நோக்கில் இந்த QR குறியீடு உருவாக்கப்பட்டுள்ளது.
துணையமைச்சர் டத்தோ ஸ்ரீ Shamsul Anuar Nasarah மக்களவையில் அதனைத் தெரிவித்தார்.
இவ்வேளையில் புதிய MyKad அட்டைகளில் பூமிபுத்ரா அடையாளமும் மதக் குறியீடும் அச்சடிக்கப்பட வேண்டும் என முன்வைக்கப்பட்டுள்ள பரிந்துரையும் ஆராயப்படும் என்றார் அவர்.
சரவாக்கிய பூமிபுத்ரா ஒருவர் அண்மையில் வங்கி அதிகாரியால் பொதுவெளியில் “நீ ஒரு முஸ்லீமா?” எனக் கேட்டு அவமானப்படுத்தப்பட்டதாகக் கூறி, Puncak Bornoe நாடாளுமன்ற உறுப்பினர் Willie Mongin அவ்வாறு பரிந்துரைத்திருந்தார்.
தவிர, தோற்றத்தை வைத்து மலாய் முஸ்லீகள் என பரவலாக நினைக்கப்படுவதால், முஸ்லீம் அல்லாத சபா – சரவாக்கியர்கள் ரமலான் நோன்பு மாதத்தில் பொது வெளியில் உணவுண்பதில் தர்மசங்கடத்தை எதிர்நோக்குவதையும் Willie சுட்டிக் காட்டினார்.
