கோலாலம்பூர், மார்ச்-7-மலேசியாவைச் சேர்ந்த பிரதாப் முனியாண்டி என்ற 33 வயது இளைஞர், ஆண்களில் அதிகமான பற்கள் கொண்டவராக கின்னஸ் உலக சாதனை படைத்துள்ளார்.
பொதுவாக ஒரு மனிதருக்கு 32 பற்கள் தான் இருக்கும்; ஆனால் பிரத்தாப்புக்கோ மொத்தம் 42 பற்கள் இருப்பது கண்டறியப்பட்டுள்ளது.
2021-ஆம் ஆண்டு குடும்பத்தினருடனான ஒரு நிகழ்வில் இருந்தபோதே, தன்னிடம் அதிக பற்கள் இருப்பதை அவர் முதலில் கவனித்தார்.
அப்போது 38 பற்கள் இருந்ததாக எண்ணப்பட்ட நிலையில், பின்னர் எடுக்கப்பட்ட X-Ray பரிசோதனையில் இன்னும் 4 பற்கள் உள்ளே இருப்பது தெரியவந்தது.
2023-ஆம் ஆண்டுக்குள் அந்த பற்களும் முழுமையாக வளர்ந்து, அவரது மொத்த பற்களின் எண்ணிக்கை 42 ஆக உயர்ந்தது.
ஆனால், இந்த கூடுதல் பற்களால் தினசரி வாழ்க்கையில் இவருக்கு எந்தவித சிக்கலும் இல்லை;
அவை இயல்பாகவே வளர்ந்துள்ளதாகக் கூறும் பிரதாப், தானே கூறாத வரை பலரும் அவற்றை கவனிப்பதால்லை என்றார்.
இவ்வாறு மலேசியாவைச் சேர்ந்த ஒருவர் அதுவும் பற்கள் எண்ணிக்கையில் உலக சாதனை படைத்திருப்பது தற்போது சமூக வலைத்தளங்களில் வைரலாகி வருகிறது.
