கூச்சிங்கில் வீடு இடிந்து விழுந்து ஆடவர் மரணம்

கூச்சிங், ஜனவரி-4, சரவாக் கூச்சிங்கில் இன்று அதிகாலை வீடு இடிந்து விழுந்ததில், இடிபாடுகளில் சிக்கி ஆடவர் உயிரிழந்தார்.

மரணமுற்றவர் 58 வயது Lim Inn Tong என அடையாளம் கூறப்பட்டது.

அதிகாலை 2.30 மணிக்கு அச்சம்பவம் நிகழ்ந்தது.

சம்பவ இடம் விரைந்த தீயணைப்பு-மீட்புத் துறையினர் இடிபாடுகளில் பேச்சு மூச்சின்றி கிடந்த அவ்வாடவரை, 2 மணி நேர போராட்டங்களுக்குப் பிறகு மீட்டு வெளியே கொண்டு வந்தனர்.

எனினும் மருத்துவக் குழு அவர் உயிரிழந்து விட்டதை உறுதிபடுத்தியது.

வீடு இடிந்து விழுந்ததற்கான காரணம் ஆராயப்பட்டு வருவதாக தீயணைப்புத் துறை கூறியது.