கோலாலம்பூர், நவம்பர்-26 – புக்கிட் ஜாலிலில் உள்ள பேரங்காடியொன்றின் திரையரங்கில் ‘Now You See Me 3’ படத்தை இரகசியமாக கைப்பேசியில் படம் பிடித்த ரஷ்ய மாணவருக்கு, RM10,000 அபராதம் விதிக்கப்பட்டுள்ளது.
தனியார் பல்கலைக்கழகத்தில் பயிலும் Golod Arten என்ற 21 வயது அவ்விளைஞர் நவம்பர் 13-ஆம் தேதி சுமார் 31 நிமிட வீடியோவை பதிவுச் செய்திருந்தார்.
திரையரங்கின் CCTV காட்சிகள் மற்றும் அக்டோபர் 9-ஆம் தேதி அவர் செய்த இதே போன்ற குற்றம் வழக்கை மேலும் உறுதிப்படுத்தியது.
1987-ஆம் ஆண்டு காப்புரிமைச் சட்டத்தின் கீழ் இதுபோன்ற குற்றங்களுக்கு அதிகபட்ச தண்டனையாக RM10,000 முதல் RM100,000 வரை அபராதமும் 5 ஆண்டுகள் சிறைத்தண்டனையும் விதிக்கப்படலாம்.
இந்நிலையில், அவர் மாணவராக இருப்பது உள்ளிட்ட காரணங்களைக் கருத்தில் கொண்டு கோலாலம்பூர் செஷன்ஸ் நீதிமன்றம் RM10,000 அபராதம் விதித்தது.
அபராதத்தை செலுத்தத் தவறினால், அவர் 10 மாதங்கள் சிறை செல்ல வேண்டும்.
ஆனால் தொகையை உடனே கட்டியதால், அவர் சிறை தண்டனையை தவிர்த்துள்ளார்.
