பெட்டாலிங் ஜெயா, நவம்பர்-28 – பெட்டாலிங் ஜெயா, ஸ்ரீ மெராந்தி ஆரா டாமான்சாரா அடுக்குமாடி குடியிருப்பில் திடீரென நிலம் உள்வாங்கியதில் ஆடவர் சிக்கிக் கொண்டதால் பரபரப்பு ஏற்பட்டது.
நேற்று மாலை 6 மணியளவில் மழையின் போது இச்சம்பவம் நிகழ்ந்தது.
தகவல் கிடைத்து தீயணைப்பு – மீட்புப் படையினர் சம்பவ இடம் விரைந்தபோது 50 வயதிலான ஆடவர் உள்ளே சிக்கியிருந்தார்.
அவரை அதிகாரிகள் பாதுகாப்பாக வெளியே மீட்டனர்.
உள்ளே விழுந்ததில் அவ்வாடவருக்கு இடுப்பில் காயம் ஏற்பட்ட நிலையில், பாதுகாப்புக் கருதி அந்த திடீர் பள்ளமேற்பட்ட பகுதி பொது மக்களுக்கு மூடப்பட்டது.
