பெட்டாலிங் ஜெயா-எனக்கு எந்தப் பிரச்சினையும் இல்லை… நான் நன்றாகத்தான் இருக்கிறேன்” என்று மருத்துவப் பரிசோதனையைத் தள்ளிப்போடுகிறீர்களா? அப்படியானால் இந்தத் தகவல் உங்களுக்கானது.
2025ஆம் ஆண்டு PeKa B40 திட்டத்தின் கீழ் சுகாதாரப் பரிசோதனை செய்துகொண்ட 3 லட்சத்து 28 ஆயிரத்திற்கும் மேற்பட்டவர்களில், **44.5 விழுக்காட்டினருக்கு அதுவரை கண்டறியப்படாத குறைந்தது ஓர் உடல்நலப் பிரச்சினை இருப்பது தெரியவந்துள்ளது.**
நீரிழிவு, உயர் இரத்த அழுத்தம், அதிக கொலஸ்ட்ரால் போன்ற தொற்றா நோய்கள் மட்டுமின்றி, மனப்பதற்றம் அல்லது மனச்சோர்வு ஏற்படும் அபாயமும் சிலரிடம் கண்டறியப்பட்டுள்ளது.
நீரிழிவு, உயர் இரத்த அழுத்தம், அதிக கொலஸ்ட்ரால் போன்ற நோய்கள் ஆரம்பக் கட்டத்தில் வெளிப்படையான அறிகுறிகளைக் காட்டாமல் இருக்கலாம் என்கிறார் சுகாதாரத் துறையின் கீழ் இயங்கும் ProtectHealth Corporation தலைமைச் செயல் அதிகாரி வான் முகமட் ஹஸ்வான் வான் முகமட் நஜிப்.
எனவே, அறிகுறிகள் தோன்றும் வரை காத்திருக்காமல், தகுதியுள்ள மலேசியர்கள் இந்த இலவசப் பரிசோதனை வாய்ப்பைப் பயன்படுத்திக் கொள்ள வேண்டும் என்றும் அவர் வலியுறுத்தினார்.
**STR உதவித் தொகை பெறுபவர்களும் அவர்களது துணைவர்களும் 40 வயது மற்றும் அதற்கு மேற்பட்டவர்களாக இருந்தால் PeKa B40 இலவச சுகாதாரப் பரிசோதனைக்கு தானாகவே தகுதி பெறுகின்றனர்.**
தனியாகப் பதிவு செய்யத் தேவையில்லை. MyKad-ஐ எடுத்துக்கொண்டு நாடு முழுவதும் உள்ள சுமார் **5,600 பங்கேற்கும் தனியார் கிளினிக்குகள் மற்றும் Klinik Kesihatan-களில்** இலவசமாகப் பரிசோதனை செய்துகொள்ளலாம். பரிசோதனைக்கு முன் உண்ணாவிரதமாக இருக்கவும் தேவையில்லை.
2026 ஆகஸ்ட் 31ஆம் தேதி வரை **20 லட்சத்திற்கும் அதிகமான மலேசியர்கள்** இந்தத் திட்டத்தின் கீழ் பரிசோதனை செய்துகொண்டுள்ளனர்.
மேலும், தகுதியானவர்களுக்கு **RM20,000 வரை மருத்துவ உபகரண உதவி, புற்றுநோய் சிகிச்சையை நிறைவு செய்வோருக்கு RM1,000 ஊக்கத்தொகை மற்றும் RM1,000 வரை போக்குவரத்து உதவியும்** வழங்கப்படுகிறது.
உங்களுக்கு அருகிலுள்ள PeKa B40 பங்கேற்பு கிளினிக்குகளின் முழுப் பட்டியலை **PeKa B40 அதிகாரப்பூர்வ இணையதளத்தில் பார்க்கலாம்.
**நோய் வந்த பிறகு சிகிச்சை பெறுவதைவிட, அது தீவிரமாவதற்கு முன்பே கண்டறிவது முக்கியம். தகுதியுள்ளவர்கள் இந்த இலவச வாய்ப்பைத் தவறவிடாதீர்கள்.
