கோலாலம்பூர், மார்ச் 18 – கோலாலம்பூரில் அமைந்துள்ள Chung Kwok ஆரம்பப் பள்ளியில் நவீன கழிப்பறைகள் கட்டப்பட்டிருக்கும் புகைப்படங்கள் தற்போது சமூக வலைத்தளத்தில் பரவலாகப் பகிரப்பட்டு வருகிறது.
அக்கழிப்பறைகள் ஃப்ளஷிங் சென்சார்களுடன் கட்டப்பட்டுள்ளது.மேலும், பகிரப்பட்ட புகைப்படங்களின் வழி கைகளை கழுவும் குழாய்கள் மற்றும் சோப் டிஸ்பென்சர்களுக்கும் சென்சார்கள் பொருத்துப்பட்டிருப்பதாகவும் தெரிகிறது.
இது குறித்து விளக்கமளித்த பள்ளி நிர்வாகம், ‘பெற்றோர்கள் மற்றும் பொதுமக்களின் ஆதரவோடு பள்ளியின் கழிப்பறைகள் சீரமைக்கப்பட்டுள்ளது’ என நன்றி கலந்த மகிழ்ச்சியுடன் தெரிவித்துள்ளது.
‘வீட்டில் இருக்கும் கழிப்பறைகளை விட இது ஆடம்பரமாக இருப்பதாகவும், அனைத்து பள்ளியிலும் இத்தகைய அழகான கழிப்பறைகளை வைத்திருக்க வேண்டும் என்றும் பரவலாக நெட்டிசன்கள் கருத்துகளை பதிவிட்டு வருகின்றனர்.