Latestமலேசியா

கிள்ளான் பள்ளத்தாக்கில் மீண்டும் திடீர் வெள்ளம் அபாயம்

ஷா அலாம், மார்ச் 4 – கிள்ளான் பள்ளத்தாக்கில் மீண்டும் திடீர் வெள்ளம் ஏற்படலாம் என எச்சரிக்கப்பட்டுள்ளது. பெரிய அளவில் பாதிப்பு ஏற்படுவதை தடுப்பதற்கு பல்வேறு வெள்ள தடுப்பு நடவடிக்கைகளும் மேற்கொள்ளப்பட்டுள்ளன.

கடந்த டிசம்பர் மாதம் 18 ஆம் தேதி ஏற்பட்ட வெள்ளப் பேரிடரில் ஷா அலாம் மற்றும் கிள்ளாள் வட்டாரம் மக்கள் மிக மோசமான பாதிப்பை எதிர்நோக்கினர். எனவே இம்முறை மீண்டும் அப்படியொரு பாதிப்பு ஏற்படாமல் இருப்பதை உறுதிப்படுத்துவதற்கு கிள்ளான் மாவட்ட மன்றம் மற்றும் ஷாஅலாம் மாநாகர் மன்றம் முன்னெச்சரிக்கை நடவடிக்கையை எடுத்துள்ளன.

நீர்த்தேக்கங்களில் நீரை அகற்றும் கருவிகள் சிறந்த முறையில் செயல்படுவதை உறுதிப்படுத்தும் நடவடிக்கைகளும் எடுக்கப்பட்டுள்ளன . Taman Sri Muda, Taman Mesra, Kampung Kebun Bunga, Padang Jawa மற்றும் Section 13 ஆகிய இடங்கள் அணுக்கமாக கண்காணிக்கப்படுகின்றன.

கிள்ளானில் ரகசிய கண்காணிப்பு கேமாரா மூலம் வெள்ள நடவடிக்கைகைள் காண்காணிக்கப்படுகின்றன. அதோடு கால்வாயில் சுமூகமான நீரோட்டத்திற்காக விரைவு பரிசோதனை பிரிவும் தொடங்கப்பட்டுள்ளதாக கிள்ளான் நகரான்மைக் கழக தலைவர் Noraini Roslan தெரிவித்தார். அனைத்து ஊராட்சி மன்றங்களும் வெள்ள கண்காணிப்பு நடவடிக்கையில் மிகவும் விழிப்பாக இருப்பதற்கான செயல் முறை திட்டங்களையும் எடுத்துள்ளன.

Show More

Related Articles

Back to top button
error: Content is protected !!