சிங்கப்பூர், ஜூலை-15-சிங்கப்பூர் சென்ட்ரியம் சதுக்கத்தில் (Centrium Square) உள்ள De Villa அரங்கில், ஜோதி கிஸ்சஸ் (Jothi Kisses Trading Pte. Ltd.) நிறுவனத்தின் அதிகாரப்பூர்வத் தொடக்க விழா மிக பிரமாண்டமாக நடைபெற்றது.
LISHA அமைப்பின் தலைவரும், ஜோதி இம்பேக்ஸ் குழுமத்தின் (Jothi Impax Group) இயக்குநருமான ரகுநாத் சிவா சிறப்பு விருந்தினராகக் கலந்துகொண்டு இந்த புதிய வணிகத் தொடக்கத்தை அதிகாரப்பூர்வமாகத் திறந்து வைத்தார்.
அஃபிலியேட் சந்தைப்படுத்துதல் (Affiliate Marketing) மற்றும் டிஜிட்டல் வர்த்தகம் வழி இரு நாட்டு வணிகங்களை இணைக்கும் நோக்கில் தொடங்கப்பட்டுள்ள இந்த நிறுவனத்தின் முக்கியப் பங்காளியாக ‘கஷாயா பை கிஸ்சஸ்’ (Kashaya by Kisses) கைகோர்த்துள்ளது.
Kisses Trading நிறுவனத்தால் தயாரிக்கப்படும் இந்த ‘கஷாயா பை கிஸ்சஸ்’, பாரம்பரிய மூலிகைகள் மற்றும் நறுமணப் பொருட்கள் கொண்டு காய்ச்சப்படும் ஒரு பாரம்பரிய மூலிகை தேநீர் அல்லது “பண்டைய காலத்து தேநீர்” ஆகும்.
பலரும் நினைப்பது போல் இது எந்தவொரு மருத்துவக் குறியீட்டைக் கொண்ட மருந்தோ அல்லது மாத்திரையோ அல்ல.
மாறாக, இது உடலுக்குப் புத்துணர்ச்சியையும் ஆரோக்கியத்தையும் வழங்கும் ஒரு தினசரி நல்வாழ்வு பானமாக சிங்கப்பூர் மற்றும் மலேசிய வாடிக்கையாளர்களுக்கு அறிமுகப்படுத்தப்பட்டுள்ளது.
தற்போது இந்த மூலிகை தேநீர், ஜோதி கிஸ்சஸ் நிறுவனத்தின் 25 டிக் டோக் அஃபிலியேட்கள் கொண்ட கூட்டுக்குழுவின் மூலமாக இரு நாட்டு டிஜிட்டல் சந்தைகளிலும் மிக வேகமாக விரிவடைந்து வருகிறது.
சிங்கப்பூரில் கிடைத்துள்ள இந்த பிரமாண்டத் தொடக்கம், பாரம்பரிய ஆரோக்கிய முறையை நவீன டிஜிட்டல் வர்த்தகத்தின் வழி கொண்டு சேர்ப்பதற்கான ஒரு முக்கிய மைல்கல்லாக அமைந்துள்ளது என ஏற்பாட்டாளர்கள் தெரிவித்துள்ளனர்.
