லாஸ் ஏஞ்சல்ஸ், அக்டோபர் 30 – ‘ஸ்டார் ட்ரெக்’ (Star Trek), ‘எக்ஸ்-மென்’ (X-Men) திரைப்படத் தொடர்களில் நடித்து உலகப் புகழ்பெற்ற பிரிட்டிஷ் நடிகர் பேட்ரிக் ஸ்டீவர்ட் (Patrick Stewart) தனது 86ஆவது வயதில் காலமானார்.
அமெரிக்காவின் லாஸ் ஏஞ்சல்ஸிலுள்ள தனது இல்லத்தில் புதன்கிழமை அவர் உயிரிழந்ததாகவும், அதிக காலம் உடல்நிலை பாதிப்புடன் போராடி வந்ததாகவும் அவரது அதிகாரப்பூர்வ சமூக ஊடக அறிக்கையில் தெரிவிக்கப்பட்டுள்ளது.
‘ஸ்டார் ட்ரெக்: தி நெக்ஸ்ட் ஜெனரேஷன்’ (Star Trek: The Next Generation) தொடரில் கேப்டன் ஜீன்-லூக் பிகார்டாகவும், ‘எக்ஸ்-மென்’ திரைப்படங்களில் பேராசிரியர் சார்ல்ஸ் சேவியராகவும் நடித்து அவர் பெரும் வரவேற்பைப் பெற்றார்.
நான்கு முறை எம்மி விருதுக்குப் பரிந்துரைக்கப்பட்ட அவர், இரண்டு ஒலிவியே விருதுகளையும் கிராமி விருதையும் வென்றுள்ளார். கலைத்துறைக்கான பங்களிப்பைப் பாராட்டி 2010ஆம் ஆண்டு அவருக்கு பிரிட்டனின் ‘சர்’ பட்டம் வழங்கப்பட்டது.
