கோலாலம்பூர், மே 17 – ஜோகூரில் Ulu Tiram போலீஸ் நிலையம் தாக்கப்பட்ட சம்பவத்தில் பின்னணியாக இருந்தவர்களை தேடி சட்டத்தின் முன் நிறுத்தும்படி பிரதமர் டத்தோஸ்ரீ அன்வார் இப்ராஹிம் கேட்டுக்கொண்டார். அந்த சம்பவம் கவலை அளிப்பதோடு நாட்டில் அதிர்ச்சியை ஏற்படுத்தியிருப்பதாக அவர் கூறினார்.
அந்த போலீஸ் நிலையத்தில் நடத்தப்பட்ட தாக்குதலில் இரண்டு போலீஸ் Konstabelகளான Ahmad Azza Fahmi Azhar மற்றும் Muhamad Syafiq Ahmad Said கொல்லப்பட்டதோடு மேலும் ஒருவர் காயம் அடைந்திருப்பது கவலையை ஏற்படுத்தியிருப்பதாக அவர் கூறினார்.
மேலும் காயம் அடைந்த Koperal Mohd Hasif Roslan விரைவில் குணம் அடைய வேண்டும் என்று பிரார்த்தனை செய்வதாக X தளத்தில் அன்வார் பதிவிட்டுள்ளார். அதோடு அந்த தாக்குதலில் உயிரிழந்த இரண்டு போலீஸ்காரர்களின் குடும்பத்தினருக்கு தமது ஆழ்ந்த அனுதாபத்தையும் அன்வார் தெரிவித்துக் கொண்டார்.
