கோலாலாம்பூர், நவம்பர் 25,
நாட்டின் இளம் எழுத்தாளர்களில் ஒருவரான கிரிஷ் ஹரன் நாயர் ராமகிருஷ்ணன் நாயர், 2025 ஆண்டுக்கான சிறார் சிறப்பு விருதை வென்றுள்ளார்.
இளம் வயதிலேயே எழுத்துப் பணியில் தீவிரம் காட்டுவதோடு நன்கொடை அளிப்பதிலும் சிறந்து விளங்குவதன் அடிப்படையில் 12 வயது அம்மாணவருக்கு அங்கீகாரம் வழங்கப்பட்டது.
தலைநகர் மெர்டேக்கா அரங்கில் நடைபெற்ற தேசிய அளவிலான சிறார் தின கொண்டாட்டத்தின் போது, பிரதமரின் துணைவியார் டத்தோ ஸ்ரீ Dr வான் அசிசா வான் இஸ்மாயில் அவர்களின் கையால் கிரிஷ் விருதுபெற்றார்.
தான் எழுதிய Mysterious War in the Deep புத்தகத்தின் விற்பனை மூலம் கிடைத்த RM7,000 தொகையை அப்படியே YSIJ எனப்படும் ஜோகூர் சுல்தான் இப்ராஹிம் அறக்கட்டளைக்கு நன்கொடையாக வழங்கியுள்ளதே அவரின் சிறப்பாகும்.
இதன் மூலம் YSIJ அறக்கட்டளைக்கு பங்களித்த ஆக இளைய நன்கொடையாளராகவும், புத்தக விற்பனை மூலம் ஆக அதிக நன்கொடை அளித்த சிறாராகவும், மலேசிய சாதனை புத்தகத்தில் அவர் இடம்பிடித்துள்ளார்.
விருதுபெற்றதில் பெருமிதம் தெரிவித்த கிரிஷ், தொடர்ந்து எழுதுவதோடு, பிற குழந்தைகளையும் சமூகப் பொறுப்பை ஏற்க ஊக்குவிக்க விரும்புவதாக கூறுகிறார்
