தங்காக், மே-24 – ஜொகூர், தங்காங் மருத்துவமனையில் MC எனப்படும் மருத்துவ விடுப்புச் சான்றிதழ் காணாமல் போயிருக்கும் தகவல் வைரலாகியுள்ளது.
HTGK F 896400 என்ற தொடர் வரிசை எண்ணைக் (Serial number) கொண்ட அச்சான்றிதழ் காணாமல் போனதை, மருத்துவமனையே தனது Facebook பக்கத்தில் அறிவித்துள்ளது.
காணாமல் போன அந்த MC சான்றிதழ் செல்லாது எனவும் அது தெளிவுப்படுத்தியது.
இதைப் பார்த்த நெட்டிசன்கள், MC-யைக் கூடவா திருடுவார்கள் என ஆச்சரியத்தோடு கேள்வி எழுப்புகின்றனர்.
அதே சமயம், தவறாகப் பயன்படுத்தப்படுவதைத் தவிர்க்க, மருத்துவமனை அதை பகிரங்கமாக அறிவித்து முன்னெச்சரிக்கைக் கொடுத்திருப்பதும் பாராட்டுக்குரியதே என நெட்டிசன்கள் பாராட்டுகின்றனர்.
