போதைப்பொருள் கடத்தல் வழக்கில் மலேசியர் சாமிநாதனுக்கு இன்று சிங்கப்பூரில் தூக்குத் தண்டனை ஒத்திவைப்பா?

கோலாலம்பூர், நவம்பர்-27,

போதைப்பொருள் கடத்தல் வழக்கில் மலேசியர் சாமிநாதனுக்கு இன்று சிங்கப்பூரில் தூக்குத் தண்டனை நிறைவேற்றப்படும் என அறிவிக்கப்பட்டிருந்த நிலையில், அதனை தடுத்து நிறுத்த கடைசி நேரத்தில் அவர் சார்பில் செய்யப்பட்ட மனு நேற்று நிராகரிக்கப்பட்டது.

இதையடுத்து இன்று காலையே அவருக்கு மரண தண்டனை நிறைவேற்றப்பட்டிருக்கும் என எதிர்பார்க்கப்பட்டது.

ஆனால், இதுவரை அப்படி எதுவும் செய்திகள் வரவில்லை என்பதால், மரண தண்டனை தற்காலிகமாக நிறுத்தி வைக்கப்பட்டுள்ளதாக நம்பப்படுகின்றது.

ஒருவேளை சிங்கப்பூர் அதிபருக்கு சாமிநாதன் அனுப்பிய கருணை மனுவால் அது நிறுத்தி வைக்கப்பட்டிருக்குமோ என்ற யூகங்களும் எழுந்துள்ளன.

உண்மை நிலவரம் குறித்து முன்னாள் வழக்கறிஞர் ரவியை வணக்கம் மலேசியா தொடர்புகொண்டு கேட்ட போது, அவருக்கும் உறுதியான தகவல்கள் எதுவும் தெரியவில்லை என தெரிவித்துள்ளார்.

சிறைச்சாலை துறையிடமிருந்து தகவல்கள் உறுதியானதும் மேல் விவரங்கள் தெரிவிக்கப்படும் கூறியுள்ளார் அவர்.

இதனிடையே சாமிநாதனுடைய குடும்பத்தினரும் நெருக்கடியான அழுத்தத்தில் இருப்பதாக அறியப்படுகின்றது.