மாச்சாங், ஏப் 26 – இரண்டு ஆண்டுகளுக்கு முன் தனது மாணவர்களில் மூவரை ஓரின புணர்ச்சிக்கு உட்படுத்தியதாக கூறப்படுவது தொடர்பில் சமயப் பள்ளியின் ஆசிரியரான Ustaz ஒருவர் கைது செய்யப்பட்டார். ஏப்ரல் 15ஆம் தேதி போலீசில் புகார் செய்யப்பட்டதைத் தொடர்ந்து 39 வயதுடைய அந்த சந்தேகப் பேர்வழி கைது செய்யப்பட்டதாக Machang மாவட்ட போலீஸ் அதிகாரி Superintendent Ahmad Shafiki Hussin தெரிவித்தார். ஓரினப் புணர்ச்சியினால் பாதிக்கப்பட்ட 12 மற்றும் 13 வயதுடைய மாணவர்கள் நள்ளிரவில் மாவட்ட போலீஸ் நிலையத்தில் புகார் செய்ததாக அவர் கூறினார்.
2022 ஆம் ஆண்டு அந்த சமயப்பள்ளியில் தனித்தனியாக ஓரின புணர்ச்சிக்கு அந்த மாணவர்கள் பாதிக்கப்பட்டதாக இன்று வெளியிட்ட அறிக்கையில்
Ahmad Shafiki Hussin தெரிவித்தார்.
போலீஸ் விசாரணைக்கு உதவும் பொருட்டு அந்த சந்தேகப் பேர்வழி தடுத்து வைக்கப்பட்டுள்ளார். குற்றம் நிருபிக்கப்பட்டால் 20 ஆண்டுகள் வரை சிறை மற்றும் பிரம்படி வழங்கும் குற்றவியல் சட்டத்தின் 377 C விதியின் கீழ் அந்த Ustaz சிற்கு எதிராக விசாரணை மேற்கொள்ளப்பட்டு வருவதாகவும் அவர் கூறினார்.
