கோலாலம்பூர், ஏப்ரல் 8 – ஹரி ராயா கொண்டாட்டத்தை முன்னிட்டு இன்றும், நாளையும் வாகனமோட்டிகள், இலவச சாலைக் கட்டண சலுகையை பெறலாம்.
அதனை தொடர்ந்து, நாட்டிலுள்ள நெடுஞ்சாலைகளை பயன்படுத்தும் வாகனங்களின் எண்ணிக்கை அதிகரிக்குமென எதிர்ப்பார்க்கப்படுகிறது.
இன்று காலை மணி எட்டு நிலவரப்படி, போக்குவரத்து சீராக இருப்பதாக, LLM – மலேசிய நெடுஞ்சாலை வாரியம் கூறியுள்ளது.
குறிப்பாக, நாட்டின் கிழக்குகரை மாநிலங்களை நோக்கிச் செல்லும் LPT1 மற்றும் LPT2 நெடுஞ்சாலைகளில், போக்குவரத்து சீராக உள்ளது.
எனினும், கேஎல்-காராக் நெடுஞ்சாலையில், கெந்திங் செம்பா சுரங்க நுழைவாயிலுக்கு அருகே, வாகனங்கள் மெதுவாக நகர்கின்றன.
போக்குவரத்து நிலவரம் குறித்த மிக அண்மைய தகவல்களை அறிந்து கொள்ள விரும்பும் பொதுமக்கள், மலேசிய நெடுஞ்சாலை வாரியத்தின் சமூக ஊடகங்களை வலம் வரலாம்.
