சிப்பாங், ஏப் 25 – அண்மையில் KLIA முதலாவது முனையத்தில் துப்பாக்கிக் சூடு நடத்தியதில் சம்பந்தப்பட்ட ஆடவன் கொலை முயற்சி மேற்கொண்டது உட்பட இரண்டு குற்றச்சாட்டுக்களை மறுத்து இன்று விசாரணை கோரியுள்ளான்.
நீதிபதி Arol Abdullah முன்னிலையில் குற்றச்சாட்டு வாசித்தபோது 38 வயதுடைய Hafizul Hawari அதனை மறுத்தான். ஏப்ரல் 14ஆம்தேதியன்று KLIA முதலாவது முனையத்தில் பயணிகள் வந்தடையும் பகுதியில் அதிகாலை மணி 1.09 அளவில் Farah Isa என்பவருக்கு எதிராக கொலை முயற்சியல் ஈடுபட்டதாக அவன் மீது குற்றஞ்சாட்டப்பட்டது.
குற்றவாளி என நிருபிக்கப்பட்டால் கூடியபட்சம் 20 ஆண்டுகள்வரை சிறை மற்றும் அபராதம் அல்லது அவையிரண்டும் விதிக்கப்படும் குற்றவியல் சட்டத்தின் 307 ஆவது விதியின் கீழ் Hafizul Hawari மீது குற்றஞ்சாட்டப்பட்டது.
மேலும் 38 வயதுடைய Nur Hadith zaini என்பவருக்கு ஏப்ரல் 14ஆம்தேதியின்று அதிகாலை மணி 1.09 அளவில் காயம் விளைவித்தாக Hafizul Hawari க்கு எதிராக இரண்டாவது குற்றச்சாட்டு கொண்டு வரப்பட்டது.
குற்றவாளி என நிருபிக்கப்பட்டால் 20 ஆண்டுகள்வரை சிறை,அபராதம் அல்லது பிரப்படி அல்லது அவற்றில் இரண்டு தண்டனைகள் வழங்கப்படும். சுடும் ஆயுதத்தின் மூலம் காயம் விளைவித்ததாக குற்றவியல் சட்டத்தின் 326 ஆவது விதியின் கீழ் கொண்டுவரப்பட்ட குற்றச்சாடையும் Hafizul Hawari மறுத்தான். அவனுக்கு ஜாமின் வழங்குவதற்கு மறுத்த நீதிபதி Arol அந்த இரு குற்றச்சாட்டுகளும் ஜூன் 11 ஆம்தேதி மறுவாசிப்புக்கு செவிமடுக்கப்படும் என்று தெரிவித்தார்.
