கோத்தா கினாபாலு, நவம்பர்-14, சபாவின் Lok Kawi வனவிலங்கு பூங்காவில் பாதுகாக்கப்பட்டு வந்த Si Cacat எனும் கடைசி மலாயாப் புலி உயிரிழந்துள்ளது.
21 வயதான இந்தப் புலி, தனது இனத்திற்கே மிகவும் முதிர்ந்த வயதிலிருந்தது.
மேலும் பல ஆண்டுகளாக கீழ்வாதம் எனப்படும் கடுமையான arthritis மூட்டு நோயால் அவதிப்பட்டு வந்தது.
நெடுந்தூரம் நடக்க முடியாமலும் கடுமையான வலியாலும் கடந்த சில மாதங்களில் அதன் உடல்நிலை மோசமடைந்தது.
தொடர்ந்து சிகிச்சை அளிக்கப்பட்ட போதும் எந்த முன்னேற்றமும் இல்லை என பூங்கா அதிகாரிகள் கூறினர்.
குட்டியாக மீட்கப்பட்ட Si Cacat, சுமார் 20 ஆண்டுகளாக Lok Kawi பூங்காவில் வாழ்ந்து, மலேசியாவில் அழிவின் விளிம்பில் உள்ள மலாயாப் புலி இனத்தின் சின்னமாக இருந்து வந்தது.
தற்போது மலேசியக் காடுகளில் இப்புலியினம் 150-க்கும் குறைவாக உள்ளதாக மதிப்பிடப்படுகிறது.
Si Cacat-டின் இறப்புடன், Lok Kawi வனவிலங்கு பூங்காவில் இனி மலாயாப் புலிகள் எதுவும் இல்லாத நிலை உருவாகியுள்ளது.
