தம்பின், நவம்பர்-24 – நெகிரி செம்பிலான், Gemas-சில் ATM இயந்திரத்தில் பணத்தை எடுக்கச் சென்ற ஆடவர் வங்கி வாசலிலேயே திடீரென மயங்கி விழுந்து மரணமடைந்தார்.
Gemas Maybank வங்கியில் வெள்ளிக்கிழமை பிற்பகல் 3 மணி வாக்கில் அச்சம்பவம் நிகழ்ந்தது.
53 வயது அவ்வாடவர் மயங்கி விழுந்ததாக அங்கிருந்த பொது மக்கள் போலீஸுக்கும் அம்புலன்ஸ் வண்டிக்கும் தகவல் கொடுத்தனர்.
சம்பவ இடம் விரைந்த மருத்துவக் குழுவினர் அந்நபர் உயிரிழந்து விட்டதை உறுதிப்படுத்தினர்.
விசாரணையில், அவ்வாடவர் இதய நோயாளி என்றும் ஏற்கனவே அரசாங்க மருத்துவமனையில் அவர் சிகிச்சைப் பெற்றதும் தெரிய வந்ததாக தம்பின் போலீஸ் கூறியது.
குற்ற அம்சம் எதுவும் கண்டறியப்படாததால், அச்சம்பவம் திடீர் மரணமாக வகைப்படுத்தப்பட்டுள்ளது.
