லங்காவி, நவ 27 – புதன்கிழமை இரவு புலாவ் பேராக்கின் (Pulau Perak) வடகிழக்கு கடற்கரையில் ஒரு படகு மூழ்கும் தருவாயில் இருந்த சம்பவத்தைத் தொடர்ந்து தேடல் மற்றும் மீட்பு குழுவினர் மேற்கொண்ட நடவடிக்கையில் 19 பேரை வெற்றிகரமாக மீட்டனர்.
மொத்தம் 18 பேர் பாதுகாப்பாக இருப்பதாகவும், மற்றொருவர் இறந்துவிட்டதாகவும் தெரிவிக்கப்பட்டுள்ளது.
பாதிக்கப்பட்டவர்கள் அனைவரும் அரச மலேசிய கடற்படை கப்பலான KD Ledang மூலம் கண்டறியப்பட்டதோடு அவர்களுக்கு தொடக்கக் கட்ட சிகிச்சை அளிக்கப்பட்டது.
RMN KD Ledang இன்று காலை சுமார் 6 மணியளவில் RMN MAWILA 3 படகு துறையை வந்தடைந்தது.
பாதிக்கப்பட்ட அனைவரும் சுகாதார அமைச்சின் அதிகாரிகளால் சுகாதார பரிசோதனைகளுக்கு உட்படுத்தப்பட்டதாக கெடா மற்றும் பெர்லிஸிற்கான மலேசிய கடல்சார் அமலாக்க நிறுவனத்தின் இயக்குநர், ரோம்லி முஸ்தபா ( Romli Mustafa ) வெளியிட்ட அறிக்கையில் தெரிவித்தார்.
மீட்பு நடவடிக்கையில் சம்பந்தப்பட்ட அனைத்து நிறுவனங்களும் விரைவாக மேற்கொண்ட நடவடிக்கையினால் அனைவரும் பாதுகாப்பாக மீட்கப்பட்டனர்.
ஆடவர் ஒருவர் இறந்ததைத் தொடர்ந்து அவரது உடல் மேல் நடவடிக்கைக்காக போலீசிடம் ஒப்படைக்கப்பட்டது.
