கோலாலம்பூர், நவம்பர் 27 – ‘Proton’ நிறுவனம் இன்று தனது புதிய சாகா கார் மாடலை அதிகாரப்பூர்வமாக வெளியிட்டுள்ளது. 1985 முதல் மலேசியர்களின் மனதில் இடம்பிடித்திருக்கும் இந்த தேசிய கார், அதன் பழைய பெயருக்கும் பாரம்பரியத்துக்கும் ஏற்ப மேம்படுத்தப்பட்டு தற்போது நவீன வடிவில் உருவாக்கப்பட்டுள்ளது.
மக்கள் எளிதில் வாங்கக்கூடிய வகையில் புதிய சாகாவின் விலையை Proton நிறுவனம் 38,990 ரிங்கிட்டாக நிர்ணயித்துள்ளது. அதே நேரத்தில், Executive சாகா வகை வாகனம் 44,990 ரிங்கிட் எனவும் Premium வகை மாடல் 49,990 ரிங்கிட் எனவும் அறிவிக்கப்பட்டுள்ளது.
இந்த புதிய மாடல் கார் வகைகள் கடல் நீலம், சாம்பல், சிவப்பு, Silver மற்றும் பனி வெள்ளை ஆகிய ஐந்து அழகான நிறங்களில் வெளியிடப்பட்டுள்ளது.
இந்தப் புதிய மாடல் கார் வகைகள் 100 கிலோமீட்டருக்கு 4.9 லிட்டர் மட்டுமே எரிபொருள் பயன்படுத்தும் திறன் கொண்டதால் பயன்படுத்துவோரின் செலவு குறைக்கப்படும் என்பது குறிப்பிடத்தக்கது.
மொத்தத்தில், புதிய சாகா மக்கள் விரும்பும் எளிமை, மலிவு விலை மற்றும் நம்பகத்தன்மையை வைத்துக்கொண்டு, இன்றைய தலைமுறைக்கு ஏற்ற புதிய தோற்றத்திலும் மேம்பாடுகளுடனும் அறிமுகமாகியுள்ளது.
