சமரஹான், நவம்பர்-29 – சரவாக்கில் 11 வயது மாணவியைப் பாலியல் ரீதியாக துன்புறுத்திய குற்றத்திற்காக, 52 வயது ஆசிரியருக்கு, 12 ஆண்டுகள் சிறைத் தண்டனையும் 6 பிரம்படிகளும் விதிக்கப்பட்டுள்ளன.
மாணவியின் அந்தரங்கப் பகுதிகளை அவர் தொட்டது ஆதாரப்பூர்வமாக நிரூபிக்கப்பட்டதை அடுத்து,
சமரஹான் உயர் நீதிமன்றம் அத்தீர்ப்பை வழங்கியது.
மேல்முறையீடு செய்து அதன் தீர்ப்பு வரும் வரை தண்டனையை நிறுத்தி வைக்க அவ்வாடவர் அனுமதி கேட்டார்.
ஆனால் நீதிமன்றம் அதை நிராகரித்து சிறைத் தண்டனை உடனடியாக அமுலுக்கு வரும் எனத் தெரிவித்தது.
கோத்தா சமரஹானில் உள்ள ஒர் ஆரம்பப் பள்ளியில் 2022 மே மாத வாக்கில் அக்குற்றத்தைப் புரிந்ததாக அவ்வாசிரியர் குற்றச்சாட்டை எதிர்நோக்கியிருந்தார்.
