காட்மண்டு, செப்டம்பர்-21,தெற்காசிய நாடான நேப்பாளத்தில் கோரத் தாண்டவமாடிய திடீர் வெள்ளப் பெருக்கு ஏற்பட்டு 4 வாரங்கள் கடந்துள்ள நிலையில், உயிரிழந்தவர்களின் எண்ணிக்கை 1,450-தை கடந்துள்ளது.
சுமார் 6,000 பேர் இன்னும் மாயமாகியுள்ளதாக அதிகாரிகள் தெரிவித்துள்ளனர்.அவர்களைத் தேட, மீட்புப் படையினர் நேரத்துடன் போராடி வருகின்றனர்.
ஆற்றுப் படுகைகள், சேறு நிறைந்த சுரங்கப் பாதைகள் மற்றும் இடிபாடுகளிலிருந்து கூடுதல் உடல்கள் மீட்கப்பட்டதைத் தொடர்ந்து, பலியானோரின் எண்ணிக்கை 1,451-ராக உயர்ந்துள்ளதாக நேப்பாளப் போலீஸ் உறுதிப்படுத்தியது.அதிகபட்சமாக சித்வான் மாவட்டத்தில் 367 உடல்கள் மீட்கப்பட்டுள்ளன.
ஆகஸ்ட் 26-ஆம் தேதி நேப்பாள-திபெத் எல்லைப் பகுதியில் ஏற்பட்ட கடும் வெள்ளத்தால் பொங்கி எழுந்த போத்தேகோஷி நதி, வீடுகள், சாலைகள், தொங்கு பாலங்கள் மற்றும் நீர்மின் நிலையக் கட்டமைப்புகளை சில நிமிடங்களிலேயே அடித்துச் சென்றது.
உடல்கள் பெருமளவில் சிதைந்துள்ளதால், மரபணு மாதிரிகளைச் சேகரித்த பின் சுமார் 1,300 உடல்கள் தற்காலிகமாக அடக்கம் செய்யப்பட்டுள்ளன; இதுவரை 110 உடல்கள் மட்டுமே அடையாளம் காணப்பட்டு குடும்பத்தாரிடம் ஒப்படைக்கப்பட்டுள்ளன.
