ஹாங்காங், நவம்பர் 24 – ஹாங்காங்கிலிருந்து சிங்கப்பூருக்கு பயணம் செய்துக் கொண்டிருந்த ஸ்க்கூட் விமானம் சிங்கப்பூரில் தரையிறங்கும் போது, அதில் பயணம் செய்துக் கொண்டிருந்த பயணி ஒருவரின் ‘power bank’ அதிக வெப்பமடைந்ததால் தீப்பற்றி இதர பயணிகளைப் பதற்றத்தில் ஆழ்த்தியது.
அத்தீ உடனடியாக விமான பணியாளர்களால் அணைக்கப்பட்ட நிலையில், யாருக்கும் எவ்வித காயங்களும் ஏற்படவில்லை என்றும் அறியப்படுகின்றது.
அப்பயணி பவர் பேங்க்கை எங்கு வைத்திருந்தார் என்பதை உறுதியாகச் சொல்ல முடியவில்லை என்றாலும் கேபின் சுவரில் தீயின் பாதிப்பு ஏற்பட்டதை கவனித்துள்ளார் என்பது குறிப்பிடத்தக்கது.
இதனிடையே, நிலைமை சீரான பிறகு விமானம் பாதுகாப்பாக தரையிறங்கியது.
