தாசேக் கெலுகோர், நவம்பர் 24 – நேற்று, பட்டர்வெர்த் தாசேக் கெலுகோர் கம்போங் ஆயர் மெலிந்தாங் பகுதியில், ரம்புத்தான் மரத்தின் கிளையில் சிக்கி, கீழே இறங்க முடியாமல் இருந்த இளைஞரைத் தீயணைப்பு வீரர்கள் விரைவாகச் செயல்பட்டு மீட்டனர்.
சம்பவம் தொடர்பான தகவல் கிடைக்கப்பெற்றவுடனேயே தீயணைப்பு குழுவினர் சம்பவ இடத்திற்கு விரைந்துச் சென்றபோது 26 வயது இளைஞர் மரத்தின் கிளையில் சிக்கியபடி இருந்ததாக பினாங்கு மாநில தீயணைப்பு மற்றும் மீட்புப் பணிப்பகுதி உதவி இயக்குநர் ஜான் சாகுன் பிரான்சிஸ் (John Sagun Francis ) தெரிவித்தார்.
அந்நபர் ரம்புத்தான் மரத்தின் கிளையை வெட்ட மரத்தில் ஏறியபோது, அந்த கிளை அவர்மீது விழுந்ததால் முதுகில் கடுமையான வலி ஏற்பட்டு, அவர் அங்கேயே சிக்கிக் கொண்டார்.
மீட்பு குழுவினர் ஏணியைப் பயன்படுத்தி அவரை பாதுகாப்பாக கீழே இறக்கி விட்டனர். அவர் உடலில் காயங்கள் ஏற்பட்டிருந்தால் அவர் மேல் சிகிச்சைக்காக மருத்துவமனைக்கு அனுப்பப்பட்டார்.
