புத்ரா ஜெயா, பிப்ரவரி-26- 2025 ஆம் ஆண்டின் இரண்டாவது காலாண்டில் ஆன்லைனில் விளம்பரப்படுத்தப்பட்ட வேலை காலியிடங்களின் எண்ணிக்கை 7.1 சதவீதம் அதிகரித்து 281,736 ஆக உயர்ந்ததாக மலேசிய புள்ளிவிவரத் துறை தெரிவித்துள்ளது.
2025 ஆம் ஆண்டின் இரண்டாவது காலாண்டில் வேலை வாய்ப்புகளை விளம்பரப்படுத்தும் நிறுவனங்களின் எண்ணிக்கை 57,666 ஆக இருந்ததாக மலேசியாவின் தலைமை புள்ளி விவர நிபுணர் டத்தோஸ்ரீ டாக்டர் முகமட் உசிர் மஹிடின் ( Mohd Uzir Mahidin) தெரிவித்தார்.
இது 2025 ஆம் ஆண்டின் முதல் காலாண்டில் 53,441 நிறுவனங்களுடன் ஒப்பிடும்போது அதிகரித்துள்ளது. ஆன்லைன் வேலை வாய்ப்புகளில் கிட்டத்தட்ட பாதி தொழில்முறை பிரிவில் குவிந்துள்ளன, இதில் 45.8 விழுக்காடு அல்லது 2025 ஆம் ஆண்டின் இரண்டாவது காலாண்டில் 126,255 வேலை வாய்ப்புகள் இருந்தன.
2025 ஆம் ஆண்டின் முதலாவது காலண்டில் இருந்த வேலை வாய்ப்புக்களின் எண்ணிக்கை 129,041 ஆக இருந்தது. வேலை வகைகளைப் பொறுத்தவரை, தொழில்நுட்ப வல்லுநர்கள் மற்றும் தொடர்புடைய நிபுணர்கள் 63,803 வேலை வாய்ப்புகளைப் பதிவு செய்தனர்.
அதைத் தொடர்ந்து நிர்வாகப் பிரிவு 48,864 வேலை வாய்ப்புகளைப் பதிவு செய்தது என்று மலேசியாவில் ஆன்லைனில் விளம்பரப்படுத்தப்பட்ட வேலை சலுகைகள் 2025 இன் இரண்டாம் காலாண்டில் வெளியிடப்பட்ட வெளியீட்டில் Mohd Uzir Mahidin சுட்டிக்காட்டினார்.
