ஜகார்த்தா, அக்டோபர்-16,இந்தோனேசியாவில் காட்டுத் தீ புகையை விரட்ட உலர் பனிப்பொழிவு (Dry Ice) பரிசோதனை வெற்றிகரமாகத் தொடங்கப்பட்டுள்ளது.
தென் சுமத்ரா மாநிலத்தில் காட்டுத் தீ காரணமாக ஏற்பட்ட மோசமான புகைமூட்டத்தை அகற்ற, இந்தோனேசிய அரசு முதன்முறையாக இந்த உலர் பனிப்பொழிவு முறையைப் பரிசோதித்துள்ளது.
பலேம்பாங் விமான நிலையத்தில் நடைபெற்ற சோதனையின் போது, இரண்டு விமானங்கள் மூலம் 1,600 கிலோ கிராம் உலர் பனி வளிமண்டலத்தில் தூவப்பட்டது.
வழக்கமான மேகமூட்ட மேகங்கள் தேவையில்லாமல், தாழ்வான வளிமண்டலத்தில் தேங்கி நிற்கும் புகைக் கூரையை உடைத்து, அது மேலே சென்று கலைந்து போகச் செய்வதே இந்த நவீன நுட்பத்தின் நோக்கமாகும்.
இதன் தொடக்கக் கட்ட சோதனையில், விமான நிலையத்தைச் சுற்றியுள்ள பார்வை தூர அளவு (Visibility) வெறும் 650 மீட்டரிலிருந்து 2,800 மீட்டராக உயர்ந்ததாக இந்தோனேசியப் பேரிடர் மேலாண்மை நிறுவனம் தெரிவித்துள்ளது.
இந்தச் சோதனை வரும் அக்டோபர் 18-ஆம் தேதி வரை தொடரும் என்றும், இதன் முடிவுகள் ஆராயப்பட்டு மற்ற பகுதிகளுக்கும் இது விரிவுபடுத்தப்படுவது குறித்து பரிசீலிக்கப்படும் என்றும் அறிவிக்கப்பட்டுள்ளது.
