பட்டவொர்த், ஜூலை-25-மலேசியாவின் உணவு மற்றும் பானத்துறையை உலுக்கி வரும் வெளிநாட்டுத் தொழிலாளர் பற்றாக்குறைப் பிரச்னைகளுக்குத் தீர்வு காண, அமைச்சரவைக்கு பிரதமர் டத்தோ ஸ்ரீ அன்வார் இப்ராஹிம் ஒரு மாத காலக்கெடு விதித்துள்ளார்.
திங்கட்கிழமை முதல் இந்த அவகாசம் தொடங்குகிறது.
பினாங்கு,
பட்டர்வொர்த்தில் நடைபெற்ற ‘இந்திய முஸ்லீம் உருமாற்றத் கட்டமைப்பு 2030’ தொடக்க விழாவில் பேசிய பிரதமர் அன்வார், உணவகத் துறை, குறிப்பாக இந்திய முஸ்லீம் உணவகங்கள் கடுமையான தொழிலாளர் பற்றாக்குறையை எதிர்கொண்டு வருவதை சுட்டிக்காட்டினார்.
இருப்பினும், வெளிநாட்டு ஊழியர்களை வேலைக்கு அமர்த்துவதில் அரசாங்கம் “கதவுகளை முழுமையாகத் திறந்துவிடாது” என்றும் அவர் தெளிவுபடுத்தினார்.
அதேசமயம், உணவகங்கள் போன்ற குறிப்பிட்ட முக்கிய துறைகளில் நிலவும் அவசரத் தேவையை பூர்த்திச் செய்ய வேண்டிய அவசியத்தை அவர் ஒப்புக்கொண்டார்.
இதனைச் சீரமைக்க சம்பந்தப்பட்ட அமைச்சுகளுக்கு அதிகபட்சமாக 4 வாரங்கள் அவகாசம் வழங்கப்பட்டுள்ளன.
இந்தக் காலக்கெடுவுக்குள் அமைச்சுகள் எத்தகைய நடவடிக்கைகளை எடுக்கப் போகின்றன என்பதை பொறுத்திருந்து பார்ப்போம்.
