அலாஸ்கா, செப்டம்பர்-23,அமெரிக்காவின் அலாஸ்காவில் ஏற்பட்ட 1,578 அடி உயர மெகா-சுனாமிக்கு பனிப்பாறைகள் வேகமாக உருகுவதே காரணம் என விஞ்ஞானிகள் எச்சரித்துள்ளனர்.
அலாஸ்காவின் Tracy Arm பகுதியில், பனிப்பாறைகள் உருகியதால் ஏற்பட்ட நிலச்சரிவு இராட்சத அலைகளை உருவாக்கியது.
அப்பகுதியில் பயணித்த சுற்றுலா சொகுசுக் கப்பல்கள் சில மணி நேர இடைவெளியில் அதிர்ஷ்டவசமாக உயிர் தப்பின.
பூமி வெப்பமயமாதல் காரணமாக உறைபனி உருகுவதும், மலைச்சரிவுகள் பலவீனமடைவதும் இத்தகைய பேரழிவுகளுக்கு வழிவகுப்பதாக பருவநிலை ஆய்வாளர்கள் தெரிவித்துள்ளனர்.
மேலும், பனி அடுக்குகள் குறைவதால் பூமியின் தட்டுகளில் அழுத்தம் மாறி நிலநடுக்கங்கள் ஏற்படும் அபாயமும் அதிகரித்துள்ளது.
எதிர்காலத்தில் இதுபோன்ற மெகா-சுனாமிகள் அடிக்கடி நிகழக்கூடும் என்பதால், அப்பகுதிக்கான சுற்றுப் பயணப் பாதைகளை மாற்றியமைக்கவும், முன்கூட்டியே எச்சரிக்கும் அமைப்புகளை நிறுவவும் நிபுணர்கள் வலியுறுத்தியுள்ளனர்.
