ஜோகூர் பாரு – ஆகஸ்ட்- 4 – அண்மையில் YSR எனப்படும் Sultanah Rogayah அறக்கட்டளை ஏற்பாட்டில் ஜோகூர் பாருவில் Meniti Cakerawala இசை நிகழ்ச்சி சிறப்பாக நடந்தேறியது.
இந்நிகழ்ச்சிக்கு மாட்சிமைத் தங்கிய பேரரசியார் Raja Zarith Sofiah சிறப்பு வருகை புரிந்திருந்தார்.
அவருடன் பட்டத்து இளவரசரின் துணைவியார் Che’ Puan Mahkota Khaleedaவுடம் உடன் வந்திருந்தார்.
வசதி குறைந்த இந்தியச் சமூக மக்களுக்கு உதவும் நோக்கில் பேரரசியார் மேற்கொண்டுள்ள பல முன்னெடுப்புகளில் இந்த அறக்கட்டளையும் ஒன்றாகும்.
இந்த நிகழ்வில் YSR அறக்கட்டளையின் தலைவர் டத்தோ சுகுமாறன் ராமன், ஜோகூர் மாநில ஆட்சிக் குழு உறுப்பினர் ரவீன் குமார் கிருஷ்ணசாமி உள்ளிட்ட சுமார் 500 பேர் கலந்துகொண்டனர்.
இதில் சிறப்பம்சமாக B40 குடும்பங்களைச் சேர்ந்த 5 பேருக்கு நிதியுதவி ஒப்படைக்கப்பட்டதோடு, நிதி திரட்டும் முயற்சியின் ஒரு அங்கமாக YSR-இன் அதிகாரப்பூர்வ இணைய அகப்பக்கத்தையும் பேரரசியார் Raja Zarith Sofiah அறிமுகம் செய்து வைத்தார்.
இந்நிகழ்வின் முத்தாய்ப்பாக,
‘அறிவியலும் பிரபஞ்சத்தின் காதல் உணர்வும்’ என்ற தலைப்பிலான இந்த இசை நிகழ்ச்சி, சுத்ரா அறக்கட்டளை, YSR மற்றும் பிரபல வானியற்பியல் நிபுணர் நிறைநிலை பேராசிரியர் தான் ஸ்ரீ Dr Mazlan Othman ஒத்துழைப்பில் அரங்கேறியது.
நடனம், திரைப்படம், காட்சிக் கலை, இசை மற்றும் கவிதைகளை உள்ளடக்கிய இந்தத் தயாரிப்பானது, Muhammad Haji Salleh, Johan Jaaffar, Chacko Vadaketh மற்றும் மறைந்த கலைஞர் Mano Maniam ஆகியோரின் குரல்களில் ஒலித்தது.
alaini Abu Hassan மேற்பார்வையில் இடம்பெற்ற இந்த கலைக் கைவண்ணத்தை வந்திருந்த அனைவரும் கண்டு ரசித்தனர்.
