சாங்கி விமான நிலையக் கடைகளில் வாசனைத் திரவியங்கள் திருட்டு: ஆஸ்திரேலிய, அமெரிக்க ஆடவர்கள் கைது

சிங்கப்பூர், ஆகஸ்ட்-17-சிங்கப்பூர் சாங்கி விமான நிலையத்தின் _transit_ இடைமாற்றப் பகுதியில் உள்ள கடைகளில் வாசனைத் திரவியங்களைத் திருடியதாக, ஆஸ்திரேலியா மற்றும் அமெரிக்காவைச் சேர்ந்த இருவர் தனித்தனிச் சம்பவங்களில் கைதுச் செய்யப்பட்டுள்ளனர்.

​37 வயது ஆஸ்திரேலியர் மற்றும் 50 வயது அமெரிக்கரான அவ்விருவர் மீதும் நீதிமன்றத்தில் வழக்குப் பதிவுச் செய்யப்படவுள்ளது.

​கடந்தாண்டு நவம்பரில் இரண்டாவது முனையத்தில் சுமார் 430 வெள்ளி மதிப்பிலான வாசனைத் திரவியங்களைத் திருடிவிட்டு நாட்டை விட்டு வெளியேறிய ஆஸ்திரேலியர், 8 மாதங்களுக்குப் பிறகு மீண்டும் சிங்கப்பூர் வழியாகப் பயணித்தபோது கைதுச் செய்யப்பட்டார்.

​மற்றொரு சம்பவத்தில், முனையப் பகுதி ஒன்றில் உள்ள கடைகளில் 700 வெள்ளிக்கும் அதிகமான மதிப்புள்ள வாசனைத் திரவியங்களைத் திருடிய அமெரிக்கர், விமானத்தில் ஏறுவதற்கு முன்னதாகவே போலீசாரால் சுற்றி வளைக்கப்பட்டார்.

​கட்டடத்திற்குள் திருடிய குற்றச்சாட்டின் கீழ், அவர்களுக்கு அதிகபட்சமாக 7 ஆண்டுகள் சிறைத் தண்டனை, அபராதம் அல்லது இரண்டும் விதிக்கப்பட வாய்ப்புள்ளது.