5 லட்சம் சிங்கப்பூர் டாலர் மோசடி: மூளையாகச் செயல்பட்ட மலேசிய ஆடவர் சிங்கப்பூரிடம் ஒப்படைப்பு!
சிங்கப்பூர், செப்டம்பர்-24,சிங்கப்பூரில் 500,000 டாலருக்கும் அதிகமான மோசடி மற்றும் பணமோசடி வழக்கில் மூளையாகச் செயல்பட்டதாக சந்தேகிக்கப்படும் மலேசிய ஆடவர் ஒருவர் நாடு கடத்தப்பட்டுள்ளார்.
Da Xiang என்ற புனைப்பெயரைக் கொண்ட 27 வயது Chin Hock Khan என்பவரை மலேசியப் போலீஸ் கைதுச் செய்து, சிங்கப்பூர் அதிகாரிகளிடம் ஒப்படைத்தது.
அரசு அதிகாரிகளைப் போல ஆள்மாறாட்டம் செய்து சிங்கப்பூரியர்களை ஏமாற்றி வந்த கும்பலை இவர் வழிநடத்தியதாகக் கூறப்படுகிறது.
மலேசியக் கூட்டாளிகளை வேலைக்குச் சேர்த்து, ஜோகூர் பாருவில் சந்திப்புகளை நடத்தி, ரொக்கம் மற்றும் தங்க நகைகளை எல்லை தாண்டி கடத்திச் செல்ல இவர் உத்தரவிட்டதாகத் தெரியவந்துள்ளது.
குறைந்தது 5 லட்சம் சிங்கப்பூர் வெள்ளியை சட்டவிரோதமாகப் பரிமாற்றம் செய்ய சதித்திட்டம் தீட்டியதாக Chin மீது சிங்கப்பூர் நீதிமன்றத்தில் குற்றம் சாட்டப்பட்டுள்ளது.
குற்றம் நிரூபிக்கப்பட்டால், அவருக்கு 10 ஆண்டுகள் வரை சிறைத்தண்டனை அல்லது அபராதம், அல்லது இரண்டும் விதிக்கப்படலாம்.
