கோலாலம்பூர், ஏப் 18 – சிலாங்கூர் Kuala Kubu Baru சட்டமன்ற இடைத் தேர்தலில் பக்காத்தான் ஹராப்பான் சார்பில் மலாய்க்காரர் ஒருவர் வேட்பாளராக நிறுத்தப்படலாம் என ஆருடங்கள் வெளியாகியிருப்பது குறித்து DAP தலமைச் செயலாளர் Anthony Loke கருத்துரைக்க மறுத்துவிட்டார். எங்களைப் பொறுத்தவரை நாங்கள் இன்னமும் வேட்பாளரை முடிவை செய்யவில்லை. பட்டியலில் சில வேட்பாளர்கள் இடம் பெற்றுள்ளனர். அவர்களில் எவரையும் நாங்கள் பரிசீலிக்க முடியும் என அவர் கூறினார். காலஞ்சென்ற DAP யின் முன்னாள் தலைவர்களில் ஒருவரும் முன்னணி வழக்கறிஞருமான கர்ப்பால் சிங்கிற்கு Jaya One னில் நினைவு கூறும் நிகழ்சியில் கலந்துகொண்ட பின் செய்தியாளர்களிடம் பேசியபோது Anthony Loke இதனை தெரிவித்தார்.
எதிர்வரும் மே மாதம் 11 ஆம்தேதி நடைபெறவிருக்கம் Kuala Kubu Baru சட்டமன்ற தொகுதிக்காக இடைத் தேர்தலில் உலு சிலாங்கூர் நகரான்மைக் கழக உறுப்பினர் Saripah Bakar பாக்காத்தான் ஹரப்பான் வேட்பாளராக தேர்வு செய்யப்படலாம் என இணையத்தள ஊடகம் ஒன்றில் தகவல் வெளியாகியிருந்தது. கட்சியின் அடிமட்ட தொண்டர்களிடையே Saripah வுக்கு நல்ல அறிமுகம் இருப்பதால் அவர் வேட்பாளராக நிறுத்தப்படலாம் என பக்காத்தான் ஹராப்பானுக்கு அணுக்கமான வட்டாரங்கள் மூலம் தெரியவருகிறது. Kuala Kubu Baharu சட்டமன்ற தொகுதியில் மலாய்க்கார வாக்காளர்கள் 50 விழுக்காட்டையும், சீன வாக்காளர்கள் 30 விழுக்காட்டையும், இந்திய வாக்காளர்கள் 18 விழுக்காட்டையும் கொண்டுள்ளனர்.
