ஜோர்ஜ்டவுன், நவம்பர்-26 – நாடற்ற ஓர் ஆடவருக்கு புதியப் பிறப்புப் பத்திரத்தை வெளியிடுமாறு பினாங்கு உயர் நீதிமன்றம் அளித்த உத்தரவுக்கு எதிரான தனது மேல்முறையீட்டை, தேசியப் பதிவிலாகாவான JPN நேற்று மீட்டுக் கொண்டது.
இதனால், 41 வயதான Mohd Razwil Abdullah மலேசியக் குடியுரிமை பெற்றவர் என்ற தீர்ப்பு நிலைநிறுத்தப்பட்டுள்ளது.
Razwil மலேசியக் குடியுரிமை பெறத் தகுதியானவர் என கடந்த நவம்பர் 14-ஆம் தேதி பினாங்கு உயர் நீதிமன்றம் தீர்ப்பளித்தது.
அதனை எதிர்த்து JPN முதலில் மேல்முறையீடு செய்திருந்தாலும்,
இப்போது அதை வாபஸ் பெற்றதால் Razwill புதிய பிறப்புச் சான்றிதழ் பெறுகிறார்.
இது, நீண்ட காலமாக
குடியுரிமை ஆவணங்களுக்காக போராடிய அவரின் வாழ்க்கையில்
முக்கிய வெற்றியாகக் கருதப்படுகிறது.
தான் குழந்தையாக இருந்தபோது தன்னைக் கண்டெடுத்த Rohaida Abdul Rashid என்ற பெண்ணை வெற்றிகரமாகக் கண்டுபிடித்த பிறகு, கடந்தாண்டு ஏப்ரலில் குடியுரிமைப் பெற Razwil விண்ணப்பம் செய்தார்.
அப்பெண்மணி தான் அவ்வழக்கில் ஒரே சாட்சியாவார்.
Razwil 4 வயது வரை அந்தப் பெண்ணால் கவனித்துக் கொள்ளப்பட்டு, பின்னர் 15 வயது வரை சமூக நலத் துறையிடம் ஒப்படைக்கப்பட்டது குறிப்பிடத்தக்கது.
